الحب والحياة

معلش انا ممكن ارد عليكى يا موناليزا وبرضو m_g هيرد برضو

بصى يا موناليزا كلنا مرينا بمواقف كتير ومهما حصل بينك وبين الشخص دا مكنش ينفع انك تبعدى بالعكس كان المفروض تقعدى معاه وتتكلموا وتحاولو تفهموا بعض لو انتى الى غلطانة او هو اكيد بالتفاهم بينكوا هتحلو الموقف او المشكلة دى بس بعادك هو الى زود المشكلة وخلاة يفكر انك مكنتيش بتحبية هو كان بيحبك بدليل لنك قولتى انة حاول يصالحك ويكلمك بس انتى مكنتش قادرة تبصيلة

بصى يا موناليزا انا هقولك حاجة المواقف الى زى دى متتحلش بالهروب بالعكس دى عايزة مواجهة بين الطرفين يعنى تقعدوا مع بعض وتتكلمو وتحاولو تتفاهم وتحلو المشكلة انما الهروب بيجيب نتيجة عكسية

انتى قولتى انك بتحبية اوى انا متاكدة من كدا وان شاء الله لو ليكى نصيب الموقف هيعدى بس نصيحة منى ليكى المواقف دى تتحل بالمواجهة مش بالهروب

ومهما حد اتكلم ووجهلك اى نقد حتى لو كانت اعز اصحابك متصدقيش غير قلبك طالما انتى عارفة انة بيحبك اوى متسمعيش لحد مهما كان وصدقينى الكلام كتير بس انتى متحطيش فى بالك خلى كل الى يهمك الشخص الى بيحبك وبس لان لو حطيتى كلام الناس فى دماغك مش هتخلصى

معلش طولت عليكى وياريت لو كلامى فية حد تزعل ياريت متزعليش منى انا زى اختك ويارب يكون كلامى مفيهوش حاجة غلط

معلش هقول حاجة كمان يا موناليزا مش غلط ولا عيب ان يحصل زعل بينى وبين الشخص الى بحبة بالعكس دا الطبيعى مش بيقولوا احلى ما فى الحب عذابة والى بيحب بيسامح وان شاء الله خير

الحمد لله ودى بداية كويسة اوى ودايما حطى فى اعتبارك ان مش اى مشكلة تواجهنا نحلها بمشكلة تانية لا نواجة احسن ودايما خلى املك فى ربنا كبير وان شااء الله المشكلة دى تعدى على خير

انا عايزة اسال سؤال

لية الواحد لما بيحط ثقتة فى حد ويعرفة على حقيقتة بيطلع شخص تانى منعرفوش زى ما يكون اول مرة نتعامل معاة؟


معلش فية سؤال تانى


لو انا حبيت شخص وفجاة حصل حاجة خلتنى فقدت الثقة فية هل من السهل انى ارجع زى الاول تانى وارجع احبة عادى زى الاول ولا ممكن لو رجعت تانى يكون تعود ولا اية بالظبط؟