شايف البنت اللي هناك دي !!

المدير العام نقاط : 53060 العمر : 34

تامر : شايف البنت اللى واقفة بعيد دى ؟

فريد : اه شايفها مالها ؟

تامر : اسكت يا عم ان الله حليم ستار ..

فريد : مالها بس ؟ هى مين دى اصلا ؟؟

تامر : دى يا عم فلانة بنت فلان اللى بتكلم فلان وبتعمل كذا وكذا وسمعتها كذا وكذا

فريد : يااااااااااااااه ومين اللى قالك على الحاجات دى كلها ؟

تامر : ياعم هو فيه حاجة بتستخبى وبعدين الواحد بيبان عليه برده

فريد : كفاية كدا بقى يا عم .. دع الخلق للخالق احنا بردو عندنا اخوات بنات

ـــــــــــــــــــ

فايزة : مش دى نجلاء ؟؟

شيماء : ايوه هى ..

فايزة: وايه اللى عاملاه فى نفسها ده .. حاطه نص كيلوا بودره على وشها !!

ومين اللى ماشى معاها ده ؟؟

شيماء : ده الواد وائل ..

ياريتها تيجيي على وائل وبس .. ده نص الدفعه معاها رقمها ..

فايزة : يا نهار ..!! ربنا يهديها ..

ـــــــــــــــــــــــ

كام مرة سمعنا السيناريو ده ؟ تقدر او تقدرى تفتكرى ؟

أكييييييييييييد كتيييييييييير اوى

انتوا عارفين ده ايه ؟

.. ده اسمه

قـــــــــذف مـحـــصـنــات

انتى عارفه ان لو احنا فى بلد بيتطبق فيه شرع ربنا كان هيكون ايه عقابك ؟

80 جلده شايف البنت اللي هناك دي !! 13

.. تقدر تستحمل !!

وكمان أن ترد شهادته

وان يصبح فاسقا ليس بعدل لا عند الله ولا عند الناس

قال تعالى:

{ والذين
يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا
لهم شهادة أبدا وأولئك هم الفاسقون ( 4 ) إلا الذين تابوا من بعد ذلك
وأصلحوا }

( سورة النور، الآيتان: 4، 5 ).

فقد عاقب الله من رمى مؤمناً بفاحشة بثلاث عقوبات :

الأولى : الجلد { فاجلدوهم ثمانين جلدة }

الثانية : رفض الشهادة { ولا تقبلوا لهم شهادة أبداً }

الثالثة : الحكم عليهم بأنهم فاسقون { وأولئك هم الفاسقون }

تعرفوا ربنا سبحانه وتعالى يبقول لنا ايه كمان فى قذف المحصنات ..

تعالوا نقرأ الآية دى

{ ان الذين يرمون المحصنات الغافلات المؤمنات لعنوا فى الدنيا والآخرة ولهم فى الآخرة عذاب عظيم }

شايف الخطوره

لعنوا فى الدنيا ولهم فى الآخرة عذاب عظيم

وقذف المحصنات من السبع الموبقــات " اى المهلكات "

بجد اياااااااااك وقذف المحصنات اللى بنتساهل فيه معظمنا يعنى الا من رحم ربى ..

يعنى هنستفاد ايه ؟

علشان تقول كلام مش كويس على بنت لااااااااااازم تكون واثق مية فى المية من الكلام ده ..

مش كدا وبس لكن كمان لاااااااااازم يكون معاك اربع شهود على الكلام ده ..

يكونوا رأوا منها ما يثبت ذلك مرأى العين غير كدا لااااااازم منتكلمش !!

يا جماعة بجد كام فينا محتاج للجلد وكام مرة وقعنا فى قذف المحصنات

يا ما الكلام ده خرب بيوت وطلق زوجات واتسبب فى اذى ناس الله اعلم ببراءتهم او ذنبهم

هل لو واحدة فينا هترضاها على نفسها ؟ .. وهل لو أختك هترضاها عليها ؟

واخيرا هذكركم بقول الله تعالى :

{ إِذْ
تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُمْ مَا لَيْسَ
لَكُمْ بِهِ عِلْمٌ وَتَحْسَبُونَهُ هَيِّنًا وَهُوَ عِنْدَ اللَّهِ
عَظِيمٌ }

قال تعالي :

{ وَلَوْ
أَنَّ أَهْلَ الْقُرَى آمَنُوا وَاتَّقَوْا لَفَتَحْنَا عَلَيْهِمْ
بَرَكَاتٍ مِنَ السَّمَاءِ وَالْأَرْضِ وَلَكِنْ كَذَّبُوافَأَخَذْنَاهُمْ
بِمَا كَانُوا يَكْسِبُونَ }

ـــــــــــــــــــ

مــنــقــول

شخصية هامة نقاط : 52521 العمر : 35

ان الله حليم ستار

اللهم استرنا فوق الارض وتحت الارض ويوم العرض عليك

اللهم امين يارب العالمين

فى الاول والاخر البت سمعة الولد ملهوش اى حرج ربنا يستر على جميع بنات المسليمن امين يارب
جميل اوى يا تنين جزاك الله خيرا

المدير العام نقاط : 53060 العمر : 34

اللهم امين يا عصفور الجنة
وربنا يسترنا فعلا فى الدنيا والاخرة

وجزاكى مثلة يا عصفور الجنة
وشكرا على مرورك

عضو برونزى نقاط : 52120 العمر : 34

جزاك الله كل خير ياتنين
تسلم ايديك