يوميات متجددة ........ شخابيط

كيف الاحوال؟
وصباح مشرق على الجميع
فى التشخبيطة اللى فاتت قلنا دا لو فاكرين اننا نحاول نكسر الجدران اللى بنيناها
انت عارف ليه بقولك كسرها ؟؟؟؟؟؟؟
لأنك لو سبتها بعد فتره مش بس هاتمنعك من الحركة
ده هاتخنقك وعشان تتحرك مش هاتتحرك فى اى اتجاه غير لتحت هاتحفر فى الارض
يعنى بدل ما كنت واقف فى مكانك وده وضع رهيب لا دا انت هاتحفر فى الارض وتغوص فى التأخر
ايه ده مش مصدقنى ؟؟
ولا انا كمان هههههههههه
بس هاقولك ازاى
انت عمال تقول الوضع والاحوال والدنيا والحظ والعيشة واللى عايشينها والكلام الغريب ده
فى الوقت الحالى هايوقفك
لكن بعد شوية لما عمرك يعدى وتلاقى غيرك بيتحرك وبيوصل
هاتلاقى نفسك حاسس بالحسرة وخيبة الامل والتكفير ممكن يقتلك ومع التدريج
هاتصاب لا قدر الله بأمراض الضغط والسكر وووووو ........
مش تهريج ده بجد والاحصائيات بتقول كده
يبقى انت بتحفر فى الارض وكأنك بتحفر قبر لا قدر الله
ايه البداية النكد دى يا عم انت
طيب نغير ولا تزعل
احنا اتفقنا اننا هانكسر الجدران المره اللى فاتت ونحاول نشوف نور الشمس
اللى كسر فعلا وناوى يتغير
يقرا
واللى مش ناوى اقوله ما تتعبش نفسك
دا كلام فاضى يا راجل سيبك
المهم انت لما بتكسر الجدران عشان تحقق الحلم بتبقى تايه
ليه لأنك من زمان ما شفتش نور الشمس دا غير انك ما خرجتش من زمان من الشرنقة ومش عارف الناس اللى بره دول بيعملوا ايه
يبقى لازم تحدد الاتجاه
انا عايز اروح فين بالظبط
حدد انت عايز تعمل ايه بالضبط
عايز توصل لايه بالضبط
مش تقولى انا عايز ابقى راجل غنى
يا سلااااااااااام
تصدق وانا كمان
طيب غنى ازاى يعنى
هاتشتغل تاجر - طبيب - لاعب كورة -
اقولك على اسهل حل ( اسرق بنك )
حدد انت عايز ايه بالضبط
عايز اكون طبيب ناجح
عايز اكون رجل اعمال
عايز اكون مهندس
المهم تحدد انت عايز ايه بالضبط
والا هاتخرج من الشرنقة وتفضل تلف حوالين نفسك لحد ما تدوخ وتقع
وترجع تقول اهو الراجل ده اللى قالى اخرج وادى جزاة اللى يسمع كلام حد تانى
ما كنت نايم ومزاجى زى الفل
يبقى النهاردة كل اللى مطلوب منك فى الشخبوطة دى
انك تعرف انت رايح على فين وعابز ايه بالضبط
ونلتقى فى شخبوطة جديدة

احترا ماتى

عدنا مرة اخرى


احنا وصلنا من شوية لأييييييييييه؟
ايييييييييييييييييه ؟
قول معايا
اه اتكلمنا عن الهدف وتحديده وقلنا لازم يكون شىء محدد عشان ما نتوهش
طيب بس كده؟؟؟
لا لسه فيه نقطه مهمه جدا
انك ترجع تانى للحلم فى اول شخبوطة
يعنى تغمض عينيك وتحاول تشوف نفسك بعد ما حققت حلمك ده
تأمل كل التفاصيل
حاول تحس احساسك ايه وقتها
عيش قوى فى حلمك ده
خلى صورتك دى قدام عينك علطول
والموضوع ده اعمله على الاقل مره كل يوم قبل ما تنام
كلام غريب
مش كده؟؟؟
انت تعرف ان دى اهم خطوة
ليييييييييييييييه؟
اقولك
لما هاتعيش الوضع ده باحاسيسه ومشاعره والصورة بكامل تفاصيلها
عقلك الباطن هايبدأ يسعى من غير ما تحس لأنه يحقق الصورة دى
تخيل
اه ده اللى هايحصل
كمان كل اما يزيد احساسك بجمال حياتك وانت ناجح ده هايعطيك دافع لانك تحققه وتعيش فعلا السعادة دى
لأن كل اما الدافع بيزيد ده بيعطيك قوة على تخطى كل المصاعب وانك تمشى المشوار مهما كانت درجة الصعوبه
وهاعطيك مثال
تخيل انت راجع مش شغلك تعبان ومرهق ونفسك حد ياخدك ويشيلك وينيمك فى السرير
لو واحد صاحبك قالك ما تيجى نخرج نقعد على شوية على القهوة
يمكن تقفل التليفون فى وشه وتقوله قهوة ايه
انا تعباااااااااان
ولو انت زوق شوية هاتعتذر بشكل شيك وهاتبقى بتكلمه وانت مكسل حتى ترد عليه
اكيد مرينا بالحالة دى
طيب ليه ما خرجتش ؟؟؟؟
لأن الدافع مش قوى
لكن تخيل وانت فى نفس حالة الارهاق الرهيب ده
عرفت انك كسبت مليون جنيه ولو ما رحتش فورا الجايزة هاتضيع منك
أو عرفت ان فيه زلزال والبيت ممكن يقع
هايحصل ايييييييييييييييييييييه ؟
هاتلاقى نفسك بتتنطط زى العيال الصغيره وبتجرى زى الصاروخ
ليه
الدافع
يبقى شخبوطة النهارده بتقولك عيش وتخيل بكل ما قدرت صورتك وانت ناجح زى ما تحبها وأكد عليها كل يوم عشان تتخزن فى عقلك وتبقى دافع ليك عشان توصل للى انت عايزه
وكفايه كده النهارده
ونلتقى مع شخبوطة جديدة
((((احترا ماتى))))

صباح مشرق
كيف الاحوال ؟
فى الشخابيط اللى فاتت اتكلمنا عن اننا نبدأ نحلم واننا نحدد هانحلم بايه بالضبط وعايزين ايه وكمان اتفقنا على اننا ناخد اول خطوة
لحد كده تمام قوى
بس لسه فيه كمان كلام تانى
ماتزهقش يا عم خلييييييييييك صبور
طبعا فيه واحد فلته هايقولى انا بحلم انى اكون كوكتيل سوبر مان على سبيدر مان على حبه من ماتريكس وما فيش داعى لو كام حاجه من بايونك ومان
طبعا ده هاقوله
ابقى اتغطى كويس يا كابتن
احنا مش ناقصين تخاريف
مش معنى انى بقولك احلم يبقى تحلم باى حاجه
لأنك هنا بتحلم وانت صاحى وتقدر تتحكم فى حلمك
وهنا نقطة مهمه انك لما تحلم احلم بشىء قابل للتنفيذ عشان ما تجيش يعد شوية وتقول الراجل اللى بيشخبط ده ضحك على
يعنى لو قلتلى عايز ابقى اغنى واحد فى العالم اقولك ماشى لأن ده قابل للتنفيذ
والامثله كتير جدا لشخصيات بدأت من تحت الصفر مش من الصفر حتى ووصلوا للى بتقول عليه
واهو عندك مثال "بيل جيتس " صاحب مايكروسوفت
بدأ من جراج والا بدروم ودلوقتى بقى عنده امبراطورية مايكروسوفت
وفلوس ما اقولكش
يبقى احلم بشىء قابل للتنفيذ وما تلخبطش
مش تعملى زى واحد جاى يلكمنى ويقولى انا كل اللى بحلم بيه اتى الاقى خاتم سليمان
وان فيه ناس بتقول انه موجود فعلا
وكلاااااااااام غريب
خاتم سليمان جواك انت بس نفض التراب اللى عليه ولمعه وهو هايشتغل
وفى نفس الوقت ابدأ وشوف قدراتك
انت تقدر تحقق ايه ؟
طبعا العالم اليأسانين
هايكون جوابهم صارم وصريح
يا عم هو انا عندى اى حاجه اشاسا
بس الناس اللى بتفهم
هايبدأوا يفكروا هما ممكن يعملوا ايه
هما بيحبوا ايه وشايفين انهم ممكن يتميزوا فيه
وعلى فكره اى شىء انت مبدع فيه حتى لو كان مجرد الكلام فده ممكن يكون وسيله للشهرة والتميز
واى شىء قدرت تتميز فيه حتى لو كنت عامل نظافه صدقنى هايفيدك فى الوصول لحلمك
بس تميز
حاول توصل للاحتراف
جود على قد ما تقدر فى اللى انت متميز فيه وبتحبه
وصدقنى ان شاء الله هاتوصل
ياللا كفايه كده النهارده
والى اللقاء مع شخبوطة جديدة باذن الله
((((احترا ماتى))))

صباح جميل
ونكمل النهارده جديد الشخابيط

وبما اننا كنا وقفنا عند اننا نحلم و حلم عندنا القدرة على اننا ننفذه وما نطلقش العنان لخيالنا ونحلم بحاجات مستحيله

وكمان نحاول نجود لحد ما نصل للاحتراف ( مش الانحراف ) فى العمل اللى بنقوم بيه

ندخل فى مرحله مهمه قوى جدا خالص

يعنى انت بدأت بالفعل فى التحقيق

هل معنى كده خلاص

لأ طبعا
انت كده حطيت رجلك على اول السلم ويا تطلع يا تكسل وتنام جنب البواب

أهم حاجه فى اى عمل هو الاستمرار

ايون ( الاستمراااااااار)
والاستمرار محتاج لصبر والصبر محتاج لعزيمة
يعنى لازم يكون عندك عزيمة على المواصله ودى كانت السمة المميزة لكل الناجحين فى العالم

أما غير الناجحين فدائما بيفقدوا عزيمتهم بدرى

يعنى الواحد يفضل يقول دا انا هاعمل وهاسوى وحركات وبتاع

و هما يومين وتلاقيه كسل عن واجب من الواجبات

والتنازل بيبدأ بخطوة

فيبدأ فى سلسلة من التنازلات لحد ما يتنازل عن كل حاجه

وهنا عقله هايتبرمج تلقائى على انه حد كسول ومش هايفكر يدفعه للنجاح بعد كده إلا بصعوبة

يعنى كل اما يجيله شوية حماس وينوى يعمل حاجه ويحمس نفسه

عقله يقول يا عم ده بتاع كلام سيبك منه

بيسخن يومين وينام

بلا وجع قلب

و بكده هايكون من الصعب عليه بعد كده يقنع عقله انه ناوى ينفذ بجد

وعقله لو هايساعده بعد كده بيكون من منطلق خليك ورا الكداب .........

بس مش بحماس زى الاول

يبقى علشان توصل بجد لحلمك

خلى فيه عزيمة وصبر

ما فيش حد وصل للنجاح فى لحظات

لكن فى سنين
كفاية كده ونلتقى بعد الفاصل
احتراماتى

صباح مشرق جميل

اتكلمنا فى
الشخبوطة اللى فاتت عن القوة الرهيبة اللى ممكن يساعدنا العقل على الوصول
اليها و من هنا عرفنا اننا لو وجهنا عقلنا ناحية النجاح هايساعدنا بكل
قوته على النجاح والتميز
بس فيه حاجه مهمه لازم ناخد بالنا منها واحنا ماشين فى الطريق ( طريق التميز ) باذن الله
وهو اننا ما نفكرش فى نفسنا بس
يعنى وانت ماشى فى الطريق حاول تاخد واحد فى ايدك تساعده وتسنده وتشده معاك لو مش قادر يمشى لواحده
انصحه ووجهه انقل له شعورك بالتفاؤل والامل واسنده لما تحس انه ممكن يقع
ويا سلام بقى لو يكون واحد فى ايدك اليمين وواحد فى ايدك الشمال ويا سلامين لو فى كل ايد اتنين او ثلاثة او عشرة
آه هاتتعب شوية انك تشدهم وممكن ده يبطأ خطواتك شوية
بس تخيل نفسك لما تتعب انت او تفقد جزء من طاقتك
هاتلاقيهم كلهم بيردولك اللى عملته معاهم ومش بس هايشدوك ناحية النجاح زى ما انت كنت بتعمل

لأ دول هايشيلوك فوق كتافهم
عارف ليه ؟؟؟؟
لأنهم أكتر من حد وانت واحد

يعنى كل أما يكتر عدد اللى بتساعدهم

هاتكون عدد الايادى اللى بتتمد لك فى وقت ضعفك أكثر وأكثر

ولو واحد فيهم ما فكرش يرد الجميل

هاتلاقى التانى والثالث شايلين لك الجميل وهايساعدوك بكل طاقتهم

دا غير انك لما تساعد حد على النجاح وتحس انك كنت سبب فى كده

ده هايعطيك دافع رهيب وثقه اكبر بنفسك
ياللا بينا نمد ايدينا ونساعد بعض
و إيد على ايد تساعد
ياللا بقى كفاية كده النهارده
والى اللقاء فى شخبوطة جديدة
احتراماتى